Таа е обвинета за кршење на ограничувањата за време на пандемијата на коронавирусот и за поседување нелиценцирани воки-токи. Таа, исто така, наводно ги прекршила законите за телекомуникација и законите за увоз и извоз поврзани со воки-токи.
Новинарите и јавноста не можеле да присуствуваат на судењето, па нејзината реакција на одлуката не е позната.
Против 76-годишната Су Ки се поднесени 12 тужби, а експертите веруваат дека таа може да добие повеќе од 100 години затвор.
На првата пресуда во декември ѝ се одредени четири години затвор за поттикнување немири и кршење на ограничувањата за време на пандемијата на ковид-19. Но, мјанмарската воена власт ѝ ја намали казната на две години.
Сè уште не е познато дали Су Ки ќе ја отслужи казната во затвор или во домашен притвор.
Су Ки беше уапсена на 1 февруари минатата година, неколку часа пред војската да го преземе Мјанмар со воен удар.
Следбениците на случајот и правните експерти сметаат дека нејзиното судење е наместено и се сомневаат дека воената хунта сака долгорочно да ја замолчи. Су Ки веќе помина 15 години во домашен притвор, а во 2016 година де факто стана лидерка на владата.
Таа е обвинета за голем број кривични дела, меѓу кои и кршење на законите за државни тајни.
Таа беше обвинета за кршење на мерките против коронавирусот поради мавтање на приврзаниците, иако во тоа време носела маска за лице и заштитен визир.
Ситуацијата во Мјанмар е нестабилна по воениот удар. Воената хунта употреби немилосрдна сила за да ги потисне протестите и движењата на отпорот, а Организацијата за помош на затворениците (АПП) соопшти дека повеќе од 1.400 луѓе се убиени, а околу 11.000 се уапсени.
