„Потврдувајќи го правото на Исламската Република Иран да одговори на оваа агресија со сите расположиви средства во согласност со меѓународните норми и закони, движењето ги повикува браќата во Иран да избегнуваат гаѓање на соседни земји“, соопшти Хамас.
Иран, од почетокот на војната што ја започнаа Израел и САД со дронови и ракети нападна голем број заливски земји – од Бахреин до Обединетите Арапски Емирати до Саудиска Арабија.
Хамас претходно го осуди убиството на иранскиот врховен лидер Али Хамнеи на почетокот на војната, нарекувајќи го „грозоморно злосторство“. Во соопштението објавено тогаш, Хамас нагласи дека Хамнеи им обезбедувал политичка, дипломатска и воена поддршка на Палестинците и нивното движење на отпор.
Денешната порака од Хамас до Техеран е значајна бидејќи Иран со години е еден од главните меѓународни сојузници на Хамас. Техеран политички го поддржува палестинското движење и, заедно со другите милитантни групи во регионот, му обезбедува финансиска и воена помош, иако Хамас формално не е дел од иранската мрежа на регионални сојузници како што е либанскиот Хезболах.
