Соопштението беше објавено вчера од Канцеларијата за контрола на странски средства (ОФАК) на Министерството за финансии, пред средбата Трамп-Путин закажана за утре во Анкориџ, Алјаска.
Ослободувањето од санкции се однесува на трансакции „што се нормално поврзани и неопходни за учество или поддршка на состаноци во државата Алјаска“, иако со тоа не се овластува „деблокирање или ослободување на кој било имот што е блокиран или на друг начин оневозможен“.
ОФАК изјави дека оваа пауза ќе биде на сила до 20 август.
Се очекува дека претстојната средба ќе се фокусира на конфликтот во Украина, но и на поширок спектар на теми поврзани со билатералните односи меѓу САД и Русија. Вашингтон и Москва се претпазливи во врска со своите очекувања, сугерирајќи дека средбата веројатно ќе биде прва во серија разговори, а не моментален пробив.
Трамп претходно ја опиша средбата со Путин како „средба за испитување на теренот“ што ќе му помогне да процени дали конфликтот во Украина може да се реши.
Рускиот заменик-министер за надворешни работи Сергеј Рјабков изјави дека Москва го гледа овој состанок како можност да се започне со санирање на нарушените односи со Вашингтон, изразувајќи надеж дека тоа ќе „даде поттик за нормализација на билатералните односи“, пишува РТ.
