Американскиот систем Меропс може да идентификува дронови и да им се приближи, користејќи вештачка интелигенција за навигација кога сателитските и електронските комуникации не работат.
Покрај тоа што ќе биде распореден во Полска и Романија, Меропс ќе го користи и Данска, соопшти НАТО.
„Овој систем ни овозможува многу прецизно откривање. Способен е да таргетира беспилотни летала и да ги соборува“, рече полковник Марк Меклелан, помошник началник на штабот за операции во Командата на сојузничките копнени сили на НАТО.
На почетокот на септември, околу 20 руски беспилотни летала влегоа во полскиот воздушен простор, а кон средината на септември, сличен инцидент се случи во Романија.
Исто така, поради упади на беспилотни летала, аеродромите во Копенхаген, Минхен, Берлин и Брисел беа привремено затворени.
