Граѓаните на Киев се подготвуваат за уште една ноќ во засолништа, додека руските војници се на периферијата на главниот град.
#Ukraine ??: fighting on the outskirts of #Kyiv tonight. pic.twitter.com/qJlCajD17P
— Thomas van Linge (@ThomasVLinge) February 26, 2022
Градоначалникот Виталиј Кличко рече дека нема поголемо руско воено присуство во главниот град, но дека се активни групи на саботери. Метрото во Киев сѐ уште се користи како засолниште за граѓаните. Кличко воведе полициски час што ќе трае до понеделник наутро и порача дека секој што ќе биде виден на улица ќе се смета за руски „саботер“.
Жителите се збиени во домовите, засолништата, подрумите и метростаниците додека го чекаат новиот руски напад.
„Притајување за време на полицискиот час во Киев, кој ќе трае до понеделник наутро, додека властите ловат ‘диверзантски и извидувачки групи’. Цел град од 3 милиони луѓе е засолнет и чека“, напиша на Твитер дописникот на Би-би-си од Киев.
Right now in Kyiv…#UkraineUnderAttack #StopPutin #StandWithUkraine pic.twitter.com/y8Uyhfuazh
— olexander scherba?? (@olex_scherba) February 26, 2022
Украинската војска воспостави телефонска линија за семејствата на руските војници што учествуваат во инвазијата на Украина, со порака „Вратете се живи од Украина“, јави Гласот на Америка за источна Европа. Во украинската порака се наведува дека повеќе од 3.000 руски војници веќе загинале од почетокот на инвазијата, а повеќе од 200 се заробени.
Некои руски телевизии се хакирани од групата Анонимус.
„Руските државни ТВ-канали се хакирани од Анонимус за да ја емитуваат вистината за тоа што се случува во Украина“, соопшти хакерската група.
JUST IN: #Russian state TV channels have been hacked by #Anonymous to broadcast the truth about what happens in #Ukraine. #OpRussia #OpKremlin #FckPutin #StandWithUkriane pic.twitter.com/vBq8pQnjPc
— Anonymous TV ?? (@YourAnonTV) February 26, 2022
Украинските железници ја исклучија струјата на главната железничка станица во Киев поради ракетирање во нејзина близина. Си-ен-ен јавува дека во мрак се и други делови од Киев од безбедносни причини.
