Руската делегација ја предводат заменик-министерот за надворешни работи Сергеј Рјабков и заменик-министерот за одбрана Александар Фомин, а американската делегација ја предводи првиот заменик државен секретар Венди Шерман.
Прелиминарните разговори во форма на работна вечера беа одржани синоќа, а Рјабков рече дека разговорот бил сложен, но делотворен.
Се очекува главната тема да биде нацрт-договорот доставен од Русија до САД и нивните сојузници во средината на декември, кој вклучува непроширување на НАТО подалеку на исток.
