„Во време кога коегзистенцијата може да изгледа како далечен сон, народот на Либан претставува моќен потсетник дека стравот, недовербата и предрасудите немаат последен збор и дека единството, помирувањето и мирот се можни“, рече папата. Во овој контекст, Лео XIV ги повика Либанците да водат со пример и да бидат „градители на мирот за да се соочат со нетолеранцијата, да го надминат насилството и да го елиминираат исклучувањето“.
Папата зборуваше заедно со претставници на различни вери на Плоштадот на мачениците во Бејрут, каде што се наоѓаат познатата џамија Мохамед ал-Амин и катедралата „Свети Ѓорѓи“. Либан е дом на разновидни верски заедници, вклучувајќи муслимани, сунити и шиити, христијани и Друзи.
Земјата моментално се соочува со најлошата економска криза во својата историја, при што околу 60 проценти од населението живее во сиромаштија. Напнатата безбедносна ситуација по најновата војна меѓу Израел и милитантите на Хезболах, поддржани од Иран, дополнително ги влоши проблемите на граѓаните.
BREAKING
Pope Leo XIV has been given an INSANE welcome at the Shrine of Our Lady of Lebanon
Turn up the volume, this is crazy pic.twitter.com/d9PtvvMLpQ
— Catholic Arena (@CatholicArena) December 1, 2025
Муслиманските и христијанските верници го пречекаа папата во центарот на Бејрут, во услови на силно присуство на безбедносните сили.
„Јас сум муслиман, но папата е за сите луѓе и во оваа земја сакаме единство и молитва“, рече верникот Сами Кабани. Муслиманска молитва беше одржана во присуство на Лео пред да се обрати на толпата.
Pope Leo XIV praying at the tomb of the miracle worker Saint Charbel Makluf in the Monastery of Saint Maroun, Annaya, Lebanon pic.twitter.com/XwcYMrR6nN
— Catholic Sat (@CatholicSat) December 1, 2025
Претходно, папата посети манастир северно од Бејрут каде што се помоли на гробот на Свети Шарбел.
