Благодарение на интегрираните електронски системи, граничната полиција брзо ја лоцираше групата откако излезе од тунелот на полска територија. Повеќе од 130 мигранти биле приведени во обемна операција на пребарување, во која учествувале војници, полицајци и кучиња трагачи. Повеќето од уапсените се државјани на Авганистан и Пакистан, но во групата имало и лица од Индија, Непал и Бангладеш.
Откриениот тунел е долг речиси сто метри и висок околу еден и пол метар. Влезот бил скриен во шума на белоруската страна, на околу педесет метри од границата, додека излезот бил на само десет метри во полската територија.
🚨 Kolejny podkop wydrążony pod linią polsko – białoruskiej 🇵🇱-🇧🇾 granicy państwowej ❗️
Kilkudziesięciometrowy tunel pod barierą i drogą techniczną miał około 1,5 m wysokości. Jego ukryte w lesie wejście znajdowało się około 5⃣0⃣ metrów po białoruskiej stronie granicy, wyjście… pic.twitter.com/AOzcs0sIoZ
— Straż Graniczna (@Straz_Graniczna) December 12, 2025
Во исто време со мигрантите, приведени се двајца возачи – 69-годишен Полјак и 49-годишен Литванец. Тие се осомничени за организирање на шверц на мигранти понатаму кон Западна Европа, а во тек се понатамошни истраги.
Ова е четврт ваков тунел откриен оваа година од страна на службениците на Подласкиот огранок на граничната стража. Граничната стража нагласи дека комбинацијата од електронски и физички мерки за заштита на границата овозможила брза реакција на овој обид на нарушување на државната граница.
