„Фала му на Бога, сè беше во ред“, додаде Путин. Тој објасни дека станува збор за дводневен преглед – бил примен во болница едно попладне и отпуштен следниот ден. Сепак, оваа епизода е само последната во низата од оние што ги поттикнаа долгогодишните шпекулации за здравјето на рускиот лидер.
Putin talked about his health condition
‘I just underwent an annual check-up, it took me almost two days with an overnight stay at the clinic. I arrived there in the afternoon and left the next day. Thank God, everything is fine.’
– SK pic.twitter.com/W7dAx3HH6W— Zlatti71 (@Zlatti_71) November 19, 2025
Во ноември минатата година, за време на неговиот престој во Астана, Казахстан, вниманието беше насочено кон необични, отсечени движења на неговите нозе. Додека зборуваше на прес-конференција, цврсто се држеше за говорницата, а нозете се чинеше дека неконтролирано му треперат.
Коментирајќи го видеото за Дејли експрес, д-р Боб Беруким, уролог од Њујорк, рече дека ваквите движења би можеле да укажуваат на неколку состојби, вклучувајќи ја Паркинсоновата болест и други невролошки заболувања.
Putin’s continuing problem to control his legs and arms has been visible again today, when he met Lukashenko. This man is medically sick. Russia’s losing war will most certainly expedite his worsening condition. #Russia #Putin pic.twitter.com/IqX1adtCH8
— (((Tendar))) (@Tendar) February 17, 2023
Пред инцидентот со нозете, Путин беше виден како неколкупати го трие и гребе лицето и вратот за време на настап во центар за ефикасност во Уфа. Слично однесување е забележано и ден претходно во Москва. Во последните години, исто така, неколкупати е забележано дека има изразито отечени црти на лицето, пренесува Дејли експрес.
Некои лекари шпекулираа дека причината може да бидат алергии или инфекција на синусите или забите, додека други сугерираа дека примал инјекции со ботокс.
Теоријата дека Путин го лекуваат експерти за онкологија произлегува главно од извештајот од 2022 година на руската истражувачка агенција Проект. Тие ги проучувале патувањата на рускиот претседател во неговата резиденција во Сочи.
Споредувајќи ги датумите со хотелските резервации во близина, Проект извести дека онколошкиот хирург специјализиран за рак на тироидна жлезда ја посетил болницата 35 пати и таму поминал 166 дена. Двајца специјалисти за уво, нос и грло биле таму уште почесто. Кремљ го отфрли извештајот како „фикција и неточност“.
Истата година, се појави непроверена снимка од наводен руски олигарх, тајно снимен, како вели дека Путин е „многу болен од рак на крвта“.
Во февруари 2022 година, тогашниот американски сенатор Марко Рубио, еден од осумте членови на Конгресот со пристап до најчувствителните разузнавачки информации, навести дека нешто не е во ред со Путин.
Неодамна се проширија и тврдењата дека Путин испратил двојник на посета на бојното поле во регионот на Курск. Фотографиите од тој настан покажаа личност значително потенка во телото и лицето. Покрај тоа, користел рачно напишани белешки, за разлика од вообичаените печатени на Путин, а и фонтот бил помал од вообичаениот на претседателот.
Јапонските експерти за вештачка интелигенција дури тврдат дека постојат два редовни двојници кои ги користи Путин.
