Орбан, долгогодишен сојузник на Владимир Путин, рече дека „е потврдено дека ризикот од Трета светска војна може да се намали само со средба меѓу Трамп и Путин“.
Во исто време, тој му противречеше на претседателот на Европскиот совет Антонио Коста кој претходно изјави дека процесот на членство на Украина во ЕУ треба да се забрза.
„Потврдено е дека членството на Украина во Европската унија не дава безбедносни гаранции; затоа, поврзувањето на членството и безбедносните гаранции е непотребно и опасно“, напиша Орбан на социјалните мрежи.
The leaders of the 27 member states of the European Union held a meeting today.
1. It has been confirmed that the danger of a third world war can only be reduced through a Trump-Putin meeting.
2. It has been confirmed that the isolation-based strategy has failed.
3. It has been… pic.twitter.com/iMMLPaaKCw— Orbán Viktor (@PM_ViktorOrban) August 19, 2025
Тој додаде дека Унгарија ги поздравува чекорите договорени во разговорите меѓу Трамп и Путин и го поддржува продолжувањето на преговарачкиот процес, со акцент на одржување втор состанок меѓу претседателите на САД и Русија.
„Исто така, на дневен ред ја држиме унгарската иницијатива Унијата да предложи одржување на европско-руски самит што е можно поскоро“, рече Орбан.
