Во објава на социјалната мрежа Икс, тој ја спореди војната со миграцијата, велејќи: „Штом влезеш, нема излез“, пренесува агенцијата Анадолија.
Орбан тврди дека во конфликтот неделно страдаат околу 9.000 луѓе и дека Европа ќе потроши околу 90 милијарди евра во следните две години.
Според него, овие пари не финансираат „ништо повеќе од 800.000 мртви или трајно осакатени“.
„Ова мора веднаш да престане“, заклучи тој.
War is like migration. Once you step in, there is no stepping out. European leaders now find themselves trapped in an endless conflict while 9,000 people die each week. By spending €90 billion over the next two years, Europe is financing nothing more than 800,000 dead or… pic.twitter.com/s8QfDVoxPN
— Orbán Viktor (@PM_ViktorOrban) February 10, 2026
Унгарија долго време се спротивставува на политиката на ЕУ кон Украина, честопати блокирајќи или забавувајќи ги заедничките финансиски пакети за помош и санкциите против Русија.
Владата во Будимпешта одржува значително поблиски односи со Москва отколку повеќето други членки на ЕУ, особено во енергетскиот и политичкиот дијалог, што редовно предизвикува тензии во односите со Брисел.
