Најмалку едно дете е меѓу повредените, а четири лица се здобиле со сериозни повреди, соопшти рано утрово противпожарната служба во Диселдорф.
На местото на настанот биле повикани речиси 80 пожарникари и спасувачи.
Според информациите, еден од огнометите детонирал од непознати причини од прениска висина доцна вчера вечерта.
Полицијата ја истражува причината, но верува дека станува збор за несреќа. Организаторите на најголемиот саем на Рајна, Диселдорфскиот Рајнкирмес, ги завршија свеченостите предвреме.
Nothing to see here just a *liiiiiittle* accident when a rocket fell and ignited a large part of the entire fireworks depot at the annual Düsseldorf fireworks display all at once 🫠 pic.twitter.com/DvCkVXpuik
— I Ran Away (@I_Ran_Away) July 18, 2025
Во соопштението тие изјавија дека длабоко жалат за несреќата. Портпаролот изјави дека ќе размислат дали традицијата со огнометот ќе продолжи следната година.
Саемот, кој го слави заштитникот на градот Свети Аполинариј започна на 11 јули и беше предвидено да трае до утре.
