Според британските медиуми, осомничените, на возраст од 34 и 31 година, биле уапсени во четвртокот, а некои извори ги опишуваат како потенцијални ирански шпиони.
Инцидентот се случува во чувствителен безбедносен момент, само неколку недели по почетокот на американско-израелските воени операции против Иран.
Според полицијата, двајцата ќе се појават пред суд на 23 март, додека деталите од обвинението сè уште се разјаснуваат. Досега не е прецизирано на кој начин се обиделе да пристапат на воениот објект ниту дали имале логистичка поддршка.
Британската поморска база Клајд, која се наоѓа на западниот брег на Шкотска, е една од најважните воени инсталации на Обединетото Кралство.
Во неа се наоѓа арсенал на нуклеарни подморници, вклучувајќи стратешки и напаѓачки подморници, што го прави клучна точка за националната безбедност.
Иако Обединетото Кралство формално не учествува во директни напади врз Иран, неговите сили претходно беа вклучени во пресретнување на ирански ракети и беспилотни летала во регионот на Персискиот Залив, што дополнително ги засилува безбедносните тензии.
