„Дури и ако многу повеќе луѓе се заразат, има малку хоспитализирани. Добро сме заштитени со вакцините. Тоа значи дека можеме да ги ублажиме мерките дури и кога стапката на инфекции брзо расте“, кажа Сторе.
Како што е прецизирано, на рестораните повторно ќе им биде дозволено да служат алкохол по 23 часот, работата од дома нема да биде задолжителна, а актуелното ограничување од десет посетители во приватните домови ќе биде укинато.
Норвешката влада соопшти дека и понатаму ќе се инсистира на основните мерки на социјално дистанцирање, што подразбира најмалку метар растојание при контакти и носење маска во затворени простори.
