„Поради неодамнешните настани во нашиот регион, се преземаат неопходни мерки за заштита на нашите граници и воздушен простор, и ние сме во консултација со НАТО и сојузниците“, објави турското Министерство за одбрана на Икс.
Тие додадоа дека, покрај националните мерки, НАТО ја зајакна воздушната и ракетната одбрана и дека во тие рамки системот „патриот“ моментално се наоѓа во Малатја и се подготвува за оперативна подготвеност за поддршка на заштитата на турскиот воздушен простор.
Malatya’da Konuşlandırılan Patriot Sistemi ile İlgili Açıklama
Statement on the Patriot System Deployed in Malatya#MillîSavunmaBakanlığı pic.twitter.com/54gB7SrTDp
— T.C. Millî Savunma Bakanlığı (@tcsavunma) March 10, 2026
Турскиот претседател Реџеп Таип Ердоган претходно го предупреди Иран да не презема понатамошни „провокативни чекори“ откако балистичка ракета влезе во турскиот воздушен простор.
Неговите коментари, објавени од државната агенција Анадолу, дојдоа откако турското Министерство за одбрана соопшти дека балистичка ракета испукана од Иран влегла во турскиот воздушен простор пред да биде пресретната од системите за воздушна и ракетна одбрана на НАТО во источен Медитеран.
Иран оттогаш негираше дека испалил ракета кон Турција. Портпаролот на иранското Министерство за надворешни работи Есмаил Багаеи посочи дека станува збор за „операција под лажно знаме“, но не обвини ниту една конкретна земја.
