Нацрт-резолуцијата предложена од Кина и Русија за ослободување на Иран од казнени мерки беше отфрлена во петокот во Њујорк. Девет од 15-те членки на советот гласаа против, две беа воздржани, а четири, вклучувајќи ги Кина и Русија, гласаа за.
Вака санкциите на ОН врз Иран, кои беа во сила од 2006 до 2010 година, повторно ќе важат од полноќ на сабота кон недела.
Германија, Франција и Велика Британија, трите земји колективно познати како Е3, минатиот месец го активираа механизмот за враќање на санкциите, обвинувајќи го Иран за сериозни прекршувања на нуклеарниот договор од 2015 година.
Е3 предупредува дека Иран збогатува ураниум до нивоа далеку над оние потребни за цивилни цели.
