Од нив, 6,5 милиони се внатрешно раселени, а 3,9 милиони се преселиле во соседните земји, рече Џојс Мсуја, заменик-координаторка на ОН за хуманитарна итна помош.
Мсуја рече дека хуманитарната помош расте од ден на ден и дека сега повеќе од 1.230 членови на персоналот на ОН работат со повеќе од 100 хуманитарни организации низ Украина, пренесува Си-ен-ен.
„Украина е хуманитарен парадокс – во исто време со екстремното насилство, гледаме екстремна љубезност, солидарност и најгрижлива нега“, рече Мсуја.
