Руското Министерство за одбрана денеска ги обвини Соединетите Американски Држави дека финансираат програма за развој на биолошко оружје во Украина.
Како што се наведува, во украинските лаборатории биле пронајдени докази дека САД ја финансирале таа програма.
„Целта на ова биолошко истражување во Украина била да се создаде механизам за тајно ширење на смртоносни патогени“, рече портпаролот на министерството Игор Конашенков на утринскиот брифинг за конфликтот во Украина.
Конашеков рекол дека истражувањето било финансирано од Пентагон.
Руската војска и вчера соопшти дека украинските власти сега забрзано ги уништувале патогените што биле проучувани во лабораториите поврзани со американското министерство за одбрана, истакнувајќи дека таквите активности ја покажуваат воената намена на овие истражувања.
