Мерц исто така нагласи дека Европа мора да стане помалку зависна од САД, директно реагирајќи на стратешкиот пресврт на Вашингтон, пишува ДВ.
Иако Мерц нагласи дека содржината на стратегијата не го изненадила, бидејќи во голема мера го одразува она што американскиот потпретседател Џеј Ди Венс го изјави на Минхенската безбедносна конференција во февруари, тој беше јасен во својата критика. „Некои делови се убедливи, некои се разбирливи, а некои се неприфатливи за нас од европска перспектива“, рече Мерц.
„Не гледам потреба Американците сега да се обидуваат да ја спасат демократијата во Европа. Да требаше да се спасува, тоа ќе можевме самите да го решиме“, додаде германскиот канцелар.
Во новата стратегија, по претходните изјави на Венс, европските влади се обвинети за поткопување на политичката слобода и ограничување на слободата на говорот, при што се спомнува исклучувањето на партиите како што е крајно десничарската Алтернатива за Германија (АфД). Мерц тврдеше дека ваквите проценки не ја одразуваат точно политичката реалност на континентот.
Зборувајќи за време на посетата на Рајнската област-Пфалц, Мерц рече дека промената на насоката на Вашингтон само го потврдува неговиот став „дека ние во Европа, а со тоа и во Германија, мора да станеме многу понезависни од САД во безбедносната политика“.
