„Хамас мора да прифати дека нема улога во привремената администрација и во идната палестинска држава и мора да биде разоружан за да се спречи да продолжи да претставува закана за регионалната стабилност“, изјави Мелони пред италијанскиот Сенат, објави Анса.
Мировниот договор потпишан од Израел и палестинската милитантна група Хамас предвидува Хамас да нема улога во идното управување со Појасот Газа и предлага привремено да биде управуван од технократски, аполитичен палестински комитет, пред да биде предаден на Палестинската самоуправа.
