Маж турнал жена пред заитан воз во главниот град на Белгија, а машиновозачот закочил на неколку сантиметри од нејзиното тело. Инцидентот е снимен на видео, а човекот набргу потоа е уапсен.
Видеото снимено на метростаницата Рожие во петокот вечерта покажува како мажот се прикрадува зад жената, па со двете раце ја турнува на шините пред возот што доаѓа. За среќа, машиновозачот успеал да закочи пред неподвижното тело на жената да биде прегазено од возот.
Напаѓачот бега, а луѓето тргнуваат да ја извадат жената од шините.
(⚠️Vidéo choc)
Tentative de meurtre dans la station de métro Rogier à Bruxelles ce vendredi vers 19h40. pic.twitter.com/dT0ag5qEFu— Infos Bruxelles?? (@Bruxelles_City) January 14, 2022
„Возачот реагираше многу добро, но е многу шокиран, како и жртвата“, изјави за Брисел тајмс портпаролот на бриселската јавна транзитна компанија СТИБ.
Јавното обвинителство на Брисел соопшти дека мажот бил уапсен неколку минути подоцна на друга метростаница во градот. Тој е обвинет за обид за убиство.
Tentative de meurtre dans la station de métros Rogier à Bruxelles, ce vendredi, peu après 19 h 40.
Le conducteur de la Stib est heureusement parvenu à effectuer un freinage d’urgence et il a ainsi pu éviter le pire in extremis.https://t.co/R9Vp6poSE0 via @sudinfo_be pic.twitter.com/4tIwpbGgrT
— Infos Bruxelles?? (@Bruxelles_City) January 14, 2022
Сличен инцидент се случи неколку часа подоцна во Њујорк, кога 40-годишна жена беше турната во смрт на станицата на метрото Тајмс сквер во саботата наутро. Човекот што ја турнал имал криминална историја, полицијата го опишала како „емоционално вознемирен“ и се чини дека немал претходна врска со својата жртва. Тој ѝ се предал на полицијата набргу по „неиспровоцираниот“ напад, им рече на новинарите во станицата комесарот на њујоршката полиција, Кичант Севел.
