Во инцидентот три лица се повредени. Четворица од убиените биле вработени во супермаркетот, меѓу кои и еден припадник на обезбедувањето.
Напаѓачот објавил „манифест” на интернет, а нападот го пренесувал на „Твич” (Twitch), социјална мрежа за емитување во живо (стриминг) на видеосодржини
18-годишното бело момче пукало во супермаркет, лоциран во кварт со доминантно афроамериканско население.
Напаѓачот кој му се предаде на полицијата и е во притвор, не е од Бафало и до супермаркетот, според полицијата возел со часови.
Американските медиуми, повикувајќи се на неофицијални полициски извори, објавија дека напаѓачот е Пејтон Гендрон и дека потекнува од Конклин, мал град во државата Њујорк, приближно 300 километри јужно од Бафало.
