Нигериското воено воздухопловство соопшти дека убило милитанти на Боко Харам во Џили.
Во соопштението доставено до Ројтерс денес не се споменува нападот врз пазарот, а немаше ни одговор на барањата за дополнителен коментар.
Советник и началник на округот Фучимерам во Јобе за Ројтерс изјави дека повредените се однесени во болниците во Јобе и Борно.
“Ова е многу разорен инцидент на пазарот Џили. Додека разговарам со вас, повеќе од 200 луѓе го загубија животот во воздушен напад на пазарот“, рече тој во телефонски интервју.
Уште тројца жители и службено лице од меѓународна хуманитарна агенција го потврдија нападот и веројатниот број на жртви, соопшти британската агенција.
