Макрон на социјалната мрежа Икс оцени дека „оваа војна е троен неуспех за Русија – воен, економски и стратешки“.
„Таа го зајакна НАТО, чие проширување Русија сакаше да го спречи, ги обедини Европејците, кои сакаше да ги ослабне, и ја разоткри кревкоста на империјализмот од некоја друга ера“, рече Макрон.
Макрон истакна дека Кремљ ветувал дека ќе ја преземе Украина за неколку дена, но дека од стабилизацијата на фронтот во ноември 2022 година, Русија окупирала само еден процент од украинската територија, додека минатиот месец Украина дури вратила дел од територијата.
„А по која цена за Русите? Повеќе од 1,2 милиони руски војници се ранети или убиени, што е најголем број руски борбени загуби од Втората светска војна“, истакна францускиот претседател. Тој додаде дека Русија, соочена со такви загуби, регрутира луѓе на африканскиот континент и ги испраќа на бојното поле во Украина, честопати без претходна обука.
Four years ago, Europe awoke to the sound of Russian bombs falling on Ukraine.
Four years of a war of aggression chosen by Russia, in blatant defiance of international law, of a people’s sovereignty, and of human life.
Four years of cities struck,…
— Emmanuel Macron (@EmmanuelMacron) February 24, 2026
Макрон нагласи дека ќе продолжи снабдувањето со опрема и муниција за Украина, обука на војници, зајакнување на капацитетите за воздушна одбрана и способноста за одбрана од дронови, како и одржување на веќе испорачаната опрема.
„Сето ова за да се одржи Украина и за Русија да разбере дека времето не е на нејзина страна“, рече тој.
Кон средината на февруари, Макрон ги критикуваше песимистичките проценки за ситуацијата во Украина, тврдејќи дека војната всушност ја ослабна Русија.
