По 16 години владеење на Орбан, Маѓар истакна дека неговата партија Фидес зад себе има „цела пропагандна машинерија“. Тој ги обвини дека „шират лаги, наутро, напладне и навечер“.
„Целиот државен апарат беше управуван од владејачката партија, не многу различно од она што го имавме во 1980-тите“, рече Маѓар, додавајќи дека неговата партија ќе освоеше уште повеќе места без тоа.
Маѓар најави дека очекува преносот на власта да биде брз. „Очекуваме процесот на транзиција да биде брз и краток“, рече тој. Тој го повика унгарскиот претседател Тамаш Шуљок да го свика парламентот „што е можно поскоро“.
„Претседателот, кој е марионета, мора да свика нов парламент најдоцна 30 дена по изборите. Тој не треба да чека до 12 мај, може да го стори тоа уште на 5 мај“, рече тој.
„Исто така, би сакал да го поканам да ми го довери, како лидер на најсилната партија, мандатот за формирање нова влада. Нашата земја нема време за губење.“
Новоизбраниот премиер оцени дека Унгарија под водство на Орбан е „ограбена, предадена, задолжена и опустошена“. „Станавме најсиромашната и најкорумпирана земја во ЕУ“, додаде тој. Сепак, Маѓар вети дека неговата нова влада ќе „ги претставува сите Унгарци“.
