На кратката видео снимка која на Твитер ја објави белорускиот новинар Тадеуш Гизцан, Лукашенко покажува на карта на Украина на која се гледа дека земјата е поделена на четири дела. Гизцан вели дека „картата личи на вистинската мапа на инвазијата“, пренесува Бизнис инсајдер.
„На денешната седница на Советот за безбедност Лукашенко покажа карта што изгледа на вистинска мапа на инвазијата. Ги прикажува украинските воени објекти уништени со проектили од Белорусија и насоките на нападот (сè одговара освен Одеса-Придњестровје). Исто така, Украина е поделена на четири дела“, напиша Гизцан на Твитер.
At today’s security council meeting, Lukashenko showed what looks like an actual invasion map. It shows Ukraine military facilities destroyed by missiles from Belarus, attacks directions (everything agrees except Odessa-Transnistria). Also, Ukraine is divided into 4 sectors. pic.twitter.com/ueqBIFUbyM
— Tadeusz Giczan ?? (@TadeuszGiczan) March 1, 2022
Многумина забележуваат дека на картата се обележани мети на руските напади, како Киев и градот Херсон. Исто така се прикажани напади кои допрва треба да се случат, а изгледа дека една од метите е градот Одеса.
