Беспилотното летало е пронајдено на воениот полигон „Гаизиуинаи“ во близина на градот Јонава, соопшти војската. Според првичните извештаи, станува збор за таканаречен дрон „геран“ кој наликува на борбените беспилотни летала „шахед“ што ги користи Русија во војната против Украина. Сè уште не е познато дали леталото е опремено со експлозиви или содржи гориво.
Литванската војска и други органи на власта го истражуваат инцидентот со летачки објект забележан од граѓани веќе пет дена. Објектот последен пат е виден во близина на главниот град Вилнус. Според војската, дронот најверојатно бил пренасочен од украинската воздушна одбрана.
BREAKING:
It is now confirmed that a Russian suicide drone has struck Lithuanian territory.
The drone was filmed entering Ukrainian airspace earlier this week and how now been found. Lithuania is a NATO member state. pic.twitter.com/v9wWqkmjZp
— Visegrád 24 (@visegrad24) August 1, 2025
Кога беа прашани како летачкиот објект се урнал незабележано на литванскиот воен полигон, воени претставници објаснија дека нема радарска опрема во областа. Литванија, членка на НАТО и Европската Унија, бара објаснување од белоруската влада.
По откривањето на леталото, владата во Вилнус испрати протестна нота до авторитарното раководство во Минск барајќи објаснување. Дополнително, балтичката земја распореди дополнителни трупи и системи за воздушна одбрана на границата со Белорусија.
Белорусија е близок сојузник на Русија. Од почетокот на руската инвазија на Украина, беспилотни летала постојано влегуваат во воздушниот простор на соседните балтички земји.
