Проектот ќе чини околу 40 милиони евра. Разговорите со Европската Унија покажале дека камерите се многу поевтина опција од поставување физичка бариера, изјави Шимоните за новинската агенција БНС.
Границата се протега на околу 680 километри и е работ на територијата на ЕУ на истокот на блокот. Повеќе од половина од границата веќе е опремена со камери.
Потегот следи само неколку недели откако од Белоруска страна нагрнаа мигранти од други делови од светот, со надеж дека ќе можат да отпатуваат понатаму во Европската Унија.
Тоа предизвика хуманитарна катастрофа бидејќи на луѓето им беше спречен патот кон запад. Имаше и смртни случаи бидејќи некои мигранти им подлегнаа на зимските температури. Групите за заштита на човековите права ги осудија потезите на Полска и Литванија.
