„Целта на посетата е да се покаже непоколебливата поддршка на Европската Унија за Украина, нејзината слобода и независност“, напиша денеска на Твитер чешкиот премиер Петр Фиала.
Со него во Киев ќе отпатуваат премиерите на Словенија и на Полска, Јанез Јанша и Матеуш Моравјецки, како и вицепремиерот на Полска, Јарослав Качински.
Руската армија денеска се приближи до Киев со неколку напади врз населени места, пред продолжетокот на вчерашните преговори меѓу Русија и Украина, кој е најавен за денеска.
Најмалку две лица загинаа утрово во воздушен напад врз станбена зграда во Киев, соопшти спасувачката служба, наведувајќи дека се пука во неколку населби на главниот град на Украина, кои руската армија се обидува да ги опколи.
[video:https://www.youtube.com/watch?v=JTMbAs7xBEc autoplay:0]
