Ситизен Брик кон крајот на минатата недела објави дека ќе лансира уникатна минифигура од украинскиот претседател Володимир Зеленски, заедно со печатени молотови коктели – а целиот приход ќе биде дониран за жртвите во Украина.
Купувачите имале можност да ги купат минифигурите молотов коктел за 10 долари и минифигурата на претседателот Володимир Зеленски за 100 долари.
„Како што можеби забележавте, минифигурите се распродадоа речиси веднаш“, напиша Ситизен Брик на Инстаграм. „Направивме што е можно повеќе за луди 24 [часа], а екипата на Ситизен Брик дојде и на слободен ден да печати. Знаеме дека некои се обидоа да купат и не успеаја. Се надеваме дека ќе размислат да направат директна донација на релевантната добротворна организација“.
LEGO raised more than $16,000 for #Ukraine by selling tiny Molotov cocktails and minifigures of #Zelensky. pic.twitter.com/jGHi5pXl8n
— KyivPost (@KyivPost) March 15, 2022
Целата сума сега е донирана на Дајрект релиф, добротворна организација која е специјализирана за обезбедување итна медицинска помош ширум светот. Во текот на изминатите шест месеци, организацијата вели дека донирала 26 милиони долари медицинска помош за Украина и во моментов работи со украинското Министерство за здравство за да обезбеди материјали, вклучително и пакети за итна медицинска помош.
Групата Лего одговори на руската инвазија на Украина на неколку начини, вклучително и запирање на испораката до продавниците на своите руски брендови, наводно советувајќи го својот персонал во Русија да избегнува да присуствува на протести против војната и донирајќи 12,3 милиони фунти помош преку Лего Фондацијата.
