Американскиот претседател Доналд Трамп „зборува за договор и ние сме подготвени да го постигнеме, но некои специфични елементи сè уште треба да се разработат“, рече Лавров во интервју за американската телевизиска мрежа Си-би-ес.
Лавров додаде дека постојат неколку знаци кои покажуваат дека се движат во вистинска насока.
Преговорите за завршување на војната во Украина наидуваат на пречки како што е решавањето на прашањето за статусот на црноморскиот полуостров Крим.
На прашањето за новиот бран напади врз Украина, во кои загинаа најмалку 12 лица во Киев, а десетици се повредени, Лавров одговори дека Русија таргетира „само воени цели или цивилни локации што ги користи војската“.
