Според податоците на ОН, повеќе од 5,4 милиони луѓе ја напуштиле Украина од почетокот на руската инвазија на 24 февруари. Во изјава за кинеската новинска агенција Ксинхуа, Лавров рече дека досега 2,8 милиони луѓе побарале евакуација во Русија.
Украина тврди дека Москва насилно депортирала илјадници луѓе во Русија. Напорите за евакуација на цивилите од првите борбени линии, вклучително и од Мариупол, неколкупати пропаднаа, при што едната страна ја обвинува другата.
Доколку САД беа искрено заинтересирани за решавање на украинската криза, ќе престанеа да испраќаат оружје во Киев, рече Лавров. „Со јавна поддршка на режимот во Киев, земјите од НАТО прават сè што можат за да го спречат крајот на операцијата со политички договор“, рече тој.
