„Наша цел е да се ослободиме од нацистите во Украина“, рече Лавров на прес-конференција, додавајќи дека преговорите меѓу украинските и руските сили ќе се одржат денеска. Тој додаде дека преговорите може да се одржат „под услов на рамноправност“.
„Сигурен сум дека нашите партнери од Западот ќе се смират и ќе бараат решение преку дијалог. Западот не треба да одлучува за нашата безбедност“, рече Лавров.
„Западот се обидува да ни наметне сопствена слика за иднината на Европа“, додаде тој.
LIVE: Russian Foreign Minister Sergei Lavrov speaks to media https://t.co/0kOyejRLo9
— PresserWatch (@PresserWatch) March 3, 2022
На прес-конференција Лавров ја спореди Америка со нацистичкиот диктатор Адолф Хитлер.
„Америка им диктира на Германците што е добро за европската енергетска безбедност. Велат дека не им треба гасоводот Северен тек 2 и тврдат дека Америка ќе обезбеди енергетска безбедност, која е неколку пати поскапа“, рече Лавров.
„Наполеон и Хитлер имаа за цел да ја стават цела Европа под своја контрола. Сега Американците сакаат да го направат тоа“, рече тој.
„Во филмовите имате слика на апсолутно зло и апсолутно добро. Глобалната слика е слична. Верувам дека хистеријата ќе престане“, рече Лавров.
