Сите биле однесени во болница, природата на нивните повреди сè уште не е позната. Меѓу жртвите е и тинејџер, објави полицијата. Четиринаесетгодишно момче е уапсено во Гевле под сомнение за обид за убиство синоќа, а ќе биде испрашано во текот на сабота. Нема информации за тоа како се поврзани сторителот и жртвите, но не станува збор за терористички напад, пишува шведскиот весник Експресен.
14-year-old suspected after mass shooting in Sweden – six people shot.
Six people were injured in a dramatic shooting in Gävle, a city north of Stockholm, Sweden, in the early hours of Saturday. Several of the victims are reported to be teenagers, and police now suspect a… pic.twitter.com/B7UOY3TJ5p
— Rebecca Mistereggen (@RMistereggen) October 4, 2025
Пукањето се случило во прометна област на градот каде што има кафулиња, продавници и станбени згради. Тројца од повредените побарале засолниште во блискиот ресторан веднаш по пукањето. Полицијата затвори и опколи голема област во центарот на Гевле преку ноќ заради истрагата.
„Во моментов не можам да навлегувам во можни теории за тоа што се случило. Не се сомневаме дека е поврзано со тероризам. Распоредивме многу ресурси на местото на настанот, па затоа нашата проценка е дека нема опасност за јавноста“, изјави портпаролот на полицијата, Тобијас Ален-Свалбро.
Video från centrala Gävle där sex personer skadats i skottlossning. Klipp från Flashback. pic.twitter.com/1xvGH0uupV
— Jonathan Kärre (@JonathanKarre) October 4, 2025
Пукањето се случило во близина на барот „Олстуган Тулен“, каде што 28-годишниот Јоаким Викстром нарачувал пијалок во барот: „Не го слушнав пукањето бидејќи музиката беше гласна. Потоа од вревата сфатив дека нешто се случило. Видов човек кој беше застрелан во барот и неколку други како лежат надвор на тротоарот.“
Пукањата во кои и сторители и жртви се млади мажи, тинејџери, па дури и деца, стануваат сè почести во Шведска во последниве години. По правило, се работи за пресметки во рамките на организираниот криминал кои регрутираат деца за напади на конкурентски банди, што го отежнува идентификувањето на оние што ги нарачале.
