Дмитриев, според Ројтерс, се сретнал со членови на администрацијата на претседателот Доналд Трамп во САД за да разговара за мировен договор и економска соработка меѓу Вашингтон и Москва.
“Кирил Дмитриев не преговара за решение во Украина и ова не е продолжување на преговорите. Кирил Дмитриев ја предводи групата за економски прашања и продолжува да работи во рамките на оваа група”, изјави денеска за новинарите портпаролот на Кремљ, Дмитриј Песков.
Путин објави 32-часовен прекин на огнот во Украина за православниот празник Велигден во четврток, а украинскиот претседател Володимир Зеленски рече дека Киев ќе го почитува прекинот на огнот.
Песков, кој рече дека мировните преговори се прекинати поради настаните на Блискиот Исток, рече дека прекинот на огнот е од хуманитарна причина и дека Русија сака вистински мировен договор, а не само прекин на огнот.
„Како што рековме многу пати, и како што рече претседателот Путин, ние не сакаме прекин на огнот, ние сакаме мир, траен, одржлив мир“, рече Песков.
Тој додаде дека до „мир може да дојде и денес ако претседателот Зеленски донесе соодветна одлука, преземе одговорност и донесе соодветна одлука“.
