Право на глас имаат нешто помалку од 4,3 милиони гласачи. Изборите се поместени, официјално за да се избегне преклопување со претседателските избори планирани за почетокот на 2027 година.
Според оценките на набљудувачите, новите избори пред сè имаат цел да ги проширaт овластувањата на претседателот Садир Јапаров, кој ја води земјата во сè поголем авторитарен правец.
Вкупно ќе бидат избрани 90 пратеници. По неодамнешната изборна реформа, кандидатите сега се натпреваруваат исклучиво како индивидуални, директни кандидати, што значи дека политичките партии веројатно ќе имаат мала улога.
Гласачките места се отворени од 8 часот наутро до 20 часот навечер (од 2 часот наутро до 14 часот по Гринич).
Првите резултати би можеле да бидат познати веднаш по затворањето на гласачките места.
Киргистан има околу 7 милиони жители. Сегашниот парламент е избран во 2021 година по сериозна политичка криза проследена со насилни судири, што резултираше и со оставката на тогашниот претседател Соронбај Женбеков.
Непосредно пред изборите, беа уапсени неколку истакнати опозициски личности, вклучувајќи го и Кадирбек Атамбаев, син на поранешниот претседател Алмазбек Атамбаев, кој живее во егзил во Шпанија.
Обвинетите се за обид за организирање масовни немири по изборите. Во Киргистан изборите и порано повремено предизвикувале немири.
