Тоа е интересна одлука, пишува Гардијан додавајќи дека интервјуата не ги објавиле на социјалните мрежи, како што прават обично.
Улогата на Кина во конфликтот како клучен пријател на Русија била предмет на жестока дебата и дискусија. Таа се претстави како миротворец, но во исто време одби да го означи рускиот чин како инвазија и наместо тоа ги обвини САД и НАТО за создавање тензии и нивна ескалација.
Кулеба побара од Кина да обезбеди безбедносни гаранции за Киев, како и од другите постојани членки на Советот за безбедност на ОН, објави Синхуа.
„Предлагаме Кина да стане еден од гарантите на безбедноста на Украина, што е знак на нашата почит и доверба во Народна Република Кина“, рече тој.
Во 2013 година, Кина вети дека ќе ѝ обезбеди безбедносни гаранции на Украина доколку некогаш биде нападната или се наоѓа под закана од нуклеарен напад, но сега се чини дека тоа го избегнува, пренесува АФП.
Како одговор на прашањето за гаранцијата поставено минатиот месец, портпаролот на кинеското Министерство за надворешни работи сугерираше дека таквите „безбедносни гаранции имаат јасни ограничувања и треба да се активираат под одредени услови“, додаде АФП.
Од инвазијата кинеските државни медиуми ја засилија руската пропаганда, одбија да го осудат нападот или да го наречат инвазија и избегнаа да им припишуваат на руските сили украински цивилни жртви, но интересно е што тие не ги цензурираа острите критики на Кулеба, пишува Гардијан.
„Европските земји се во паника бидејќи не можат да бидат сигурни дека Русија нема да ги нападне утре. Ако Русија не биде запрена сега, тоа ќе доведе до нови кризи во наредните години“, рече Кулеба, според новинар на Политико.
Very interesting written interview with Ukraine’s FM Kuleba on China’s state news agency Xinhua.
Surely Xinhua asked questions in line with government wordings, but to publish Kuleba’s words verbatim — with lots of criticism of Russia — is fascinating.
Thread: pic.twitter.com/5Y0VdWiF59
— Stuart Lau (@StuartKLau) April 30, 2022
АФП додава дека Кулеба ја обвини Русија дека ја загрозува инфраструктурната иницијатива на Пекинг и дека недостигот на храна ќе ја загрози кинеската економија.
„Веруваме дека оваа војна не е во интерес на Кина“, рече Кулеба.
