За време на посетата на Музејот на основањето на партијата во Пјонгјанг, Ким ја нагласи потребата од „цврст ред и здрава дисциплинска клима“ во партијата, повикувајќи на откривање и елиминирање на сите елементи што го загрозуваат угледот на раководството, објави Јонхап.
Во својот говор, Ким ја предупреди партиската елита да се воздржи од „незнаење, неспособност, неодговорност, самозаштита, формализам, самоволие, ароганција и злоупотреба на моќ“.
На говорот на Ким присуствуваа членови на Президиумот на Политбирото, функционери на Централниот комитет и раководители на клучни министерства и институции.
Северна Кореја ќе ја одбележи годишнината од партијата со воена парада на која ќе присуствуваат високи функционери од Кина и Русија.
