Во писмото испратено на 9 мај, Ким „изрази цврста солидарност со целта на рускиот народ да се искорени политичката и воена закана и уцената на непријателските сили“. Севернокорејскиот лидер, исто така, „изрази уверување дека стратегиските и традиционални односи на пријателство меѓу двете земји ќе продолжат да се развиваат“.
Северна Кореја неодамна ги истакна своите блиски врски со Русија и јавно ја поддржа Москва за нејзината инвазија на Украина. Во февруари таа ги обвини „хегемонистичките политики“ на САД и Западот за конфликтот во Украина.
