Дмитро Кулеба на Твитер напиша: „Барам од светот: целосно да ја изолирате Русија, да ги протерате амбасадорите, ембарго за нафтата, да ја уништите нејзината економија. Стоп за руските воени злосторници!“
Kyiv, our splendid, peaceful city, survived another night under attacks by Russian ground forces, missiles. One of them has hit a residential apartment in Kyiv. I demand the world: fully isolate Russia, expel ambassadors, oil embargo, ruin its economy. Stop Russian war criminals! pic.twitter.com/c3ia46Ctjq
— Dmytro Kuleba (@DmytroKuleba) February 26, 2022
Досега со западните санкции се избегнува таргетирање на рускиот енергетски сектор.
Ова е трет ден од нападот на Русија врз Украина, нејзиниот јужен сосед.
Во текот на ноќта имаше борби во и околу Киев. Украинската војска соопшти дека ги одбила руските сили во близина на нејзината база на голема градска улица.
Беше погоден станбен блок во Киев и претрпе голема материјална штета.
Утрото, претседателот Зеленски објави видео на кое стои пред градските знаменитости, негирајќи ги информациите дека наредил да се предаде и вети дека Украина ќе се брани.
Руското Министерство за одбрана соопшти дека неговите сили ја презеле контролата врз југоисточниот град Мелитопол.
Министерот за вооружените сили на Обединетото Кралство Џејмс Хепи изјави дека Британија и уште 25 земји се согласиле да ѝ дадат оружје на Украина.
Министерството за здравство соопшти дека досега се убиени 198 Украинци, меѓу кои и две деца, а повеќе од 1.000 се повредени.
Полска одби да игра натпревар од квалификациите за Светското првенство против Русија во Москва во март – нејзината фудбалска федерација соопшти дека е „време да се дејствува“.
ОН проценуваат дека 100.000 луѓе избегале од Украина во изминатите 48 часа.
