Спасувачки операции се во тек во округот Утаркаши откако огромен бран вода се сруши од планините врз селото Дарали, потопувајќи патишта и згради на својот пат.
Иако некои воени тимови пристигнаа во Дарали вчера, другите сили за одговор при катастрофи не биле во можност да стигнат до областа поради оштетените патишта и непрестајните обилни дождови.
Devastating floods destroy homes and hotels in Kheerganga, Uttarakhand, India 🇮🇳 (05.08.2025) pic.twitter.com/hK2HGbYE0i
— Disaster News (@Top_Disaster) August 5, 2025
Локалните медиуми објавија за четири смртни случаи, но официјални лица изјавија за Би-би-си дека досега не се пронајдени тела. Хималајската држава Утаракханд е погодена од обилни дождови со недели, а округот Утаркаши, каде што се наоѓа Дарали, е особено тешко погоден од поплави на неколку локации.
Главниот министер на Утаракханд, Пушкар Синг Дами, во средата наутро изјави пред новинарите дека околу 130 луѓе се спасени во Утаркаши досега.
Пороен дожд (cloudburst) е ненадеен и екстремен дожд што врне на мала површина за краток временски период. Ова се случи во вторник околу 13:30 часот по локално време, предизвикувајќи драматично зголемување на нивото на водата во реката Кеерганга, која донесе тони каллива вода по стрмниот терен.
❗️🌊🇮🇳 – Devastating Flash Floods Ravage Uttarkashi, India, Leaving Destruction in Their Wake
A catastrophic cloudburst triggered flash floods in Uttarkashi’s Dharali village, located near Harsil in Uttarakhand, India, causing widespread devastation.
The deluge, fueled by a… pic.twitter.com/CKJer99Ql4
— 🔥🗞The Informant (@theinformant_x) August 5, 2025
Селото Дарали, популарна летна туристичка дестинација, е само на два километри од Харсил, каде што се наоѓа голема база на индиската армија. Во близина е и паравоен камп на индиско-тибетската гранична полиција. Службениците потврдија дека најмалку 10 војници стационирани во базата Харсил се исто така исчезнати.
Спасувачките операции напредуваат бавно бидејќи голема површина е покриена со кал и остатоци. Во среда, обилни и непрекинати дождови продолжија да паѓаат, што дополнително ги комплицира спасувачките напори. Бројни делови од главниот автопат се затворени поради тешко оштетување.
#WATCH | Indo-Tibetan Border Police (#ITBP) team from the 17th Battalion has rescued 413 pilgrims using the rope-based traverse crossing technique, following a flash flood in the Tangling area along the Kinner Kailash Yatra route in #HimachalPradesh
The rescue operation is being… pic.twitter.com/dbQiTX3Gav
— DD India (@DDIndialive) August 6, 2025
Новинарот Нитин Рамола, со седиште во Утаркаши, рече дека видел огромни пукнатини на многу патишта во округот. Тој додаде дека се обидува да стигне до Дарали од вторник попладне, но дека тоа во моментов е „апсолутно невозможно“ поради временските услови и уништените патишта.
Неколку екипи на Националните и државните сили за одговор при катастрофи, стационирани во Ганготри, на околу 18 км од Дарали, се на терен од вторник, но службениците не можеле да стапат во контакт со нив поради лошата мрежна поврзаност и долгите прекини во снабдувањето со електрична енергија.
Калта, исто така, блокирала дел од реката Бхагирати, која низводно станува најсветата река во Индија, Ганг, формирајќи вештачко езеро кое потопило големи површини, вклучувајќи го и владиниот хелиодром. Службениците стравуваат дека ако оваа вода не се испушти брзо, може да претставува сериозна закана за градовите и селата низводно.
Утаракханд, кој се наоѓа во западните Хималаи, е инаку многу подложен на ненадејни поплави и лизгање на земјиштето.
