Шефицата за европска надворешна политика, Каја Калас, изјави дека тоа е „чекор назад од работ по недели ескалација“. „Ова отвора многу потребна можност за намалување на заканите, запирање на ракетите, враќање на навигацијата и создавање простор за дипломатија кон траен договор“, напиша Калас.
The U.S.–Iran agreement on a ceasefire is a step back from the brink after weeks of escalation.
It creates a much-needed chance to tone down threats, stop missiles, restart shipping, and create space for diplomacy towards a lasting agreement. The Strait of Hormuz must be open…
— Kaja Kallas (@kajakallas) April 8, 2026
Таа додаде дека „Ормускиот теснец мора повторно да се отвори за премин“ и му се заблагодари на пакистанскиот министер за надворешни работи, Ишак Дар, за неговата улога во постигнувањето на првичниот договор. „Вратата за медијација мора да остане отворена бидејќи основните причини за војната остануваат нерешени“, рече таа.
Трамп претходно објави дека ќе ги прекине бомбардирањата и нападите врз Иран две недели доколку Техеран се согласи целосно да го отвори Ормускиот теснец, еден од клучните светски патишта за снабдување со нафта. Претходно му даде на Иран рок до 20 часот по вашингтонско време (2 часот по средноевропско време) во вторник, заканувајќи се со понатамошна ескалација доколку тоа не се случи.
Потоа тој објави дека се согласил да ги „прекине бомбардирањето и нападите врз Иран во период од две недели“, под услов Техеран да се согласи целосно да го отвори Ормускиот теснец. Иран и Израел потврдија дека се согласиле на двонеделен прекин на огнот, додека меѓународните посредници се обидуваат да го искористат просторот за да продолжат со преговорите и да го смират конфликтот.
