„Борците на чеченските специјални сили ја имаат контролата над поголемиот дел на Попасна. Главните улици и централните делови на градот се целосно исчистени“, напиша Кадиров на Телеграм.
Кон средината на април руските сили почнаа нова офанзива долж поголемиот дел на источното крило на Украина, а некои од најинтензивните напади и гранатирања неодамна се случија токму во околината на Попасна во Луганск.
Украинската страна, пак, наведува дека тешките борби за градот продолжуваат.
„Битката за Попасна е во тек. Руските пропагандисти радосно јавуваат дека веќе ја зазеле, но не е така. Ова е, само оваа недела, нивно 117 тврдење за „освојување на Попасна““, кажа Алексеј Арестович, советникот на украинскиот претседател.
