Коалицијата предводена од Саудиска Арабија соопшти дека мета на нападот била станица за дистрибуција на нафтени деривати на Арамко во Џеда, но дека пожарот во двата резервоари во нафтениот објект е ставен под контрола.
Во соопштението на коалицијата се наведува дека нема жртви во нападот.
Yemen’s Houthi rebels attacked an oil depot in the Saudi city of Jiddah ahead of a Formula One race.
The attacks came as Saudi Arabia still leads a coalition battling the Iran-backed Houthis, who seized Yemen’s capital of Sanaa in September 2014. https://t.co/AFx1GWqexi
— The Associated Press (@AP) March 25, 2022
Претходно државната телевизија на Саудиска Арабија јави дека имало „непријателска операција“ насочена против складиште на нафта во Џеда пред трката на Формула 1.
Воениот портпарол на Хутите Јахја Сереа изјави дека јеменските бунтовници нападнале со ракети објекти на саудискиот државен нафтен гигант Сауди Арамко во пристанишниот град, а рафинериите Рас Танура и Рабиг со беспилотни летала.
?? FLASH | Des rebelles #houthis soutenus par l’#Iran ont frappé une installation pétrolière d’Aramco en #ArabieSaoudite.
— Cerfia (@CerfiaFR) March 25, 2022
Тој додаде дека мета на нападот биле и витални објекти во саудиската престолнина Ријад.
Индустриското депо се наоѓа југоисточно од меѓународниот аеродром во Џеда, клучниот центар за доаѓањето на аџиите во Мека.
Нападите се случуваат додека Саудиска Арабија продолжува да ја предводи коалицијата која се бори против Хутите поддржани од Иран, а кои ја зазедоа јеменската престолнина Сана во септември 2014.
Кралството, кое влезе во војната во Јемен во 2015 година, беше меѓународно критикувано поради воздушните напади во кои загинаа стотици цивили, што Хутите го истакнуваат кога ја гаѓаат Саудиска Арабија со проектили.
