„Јапонската технологија за расчистување на мини е на највисоко ниво во светот. Под претпоставка дека (завојуваните страни) се согласиле на прекин на огнот и во случај мините да претставуваат пречка, можеби ќе треба да размислиме за учество во мисија за расчистување на мини во Ормуз“, рече Мотеги, според новинската агенција Кјодо.
Мотеги, кој беше присутен за време на разговорот во Вашингтон минатиот четврток, се сети како американскиот претседател Доналд Трамп реагирал кога јапонската премиерка Санае Такаичи ги објаснила законските ограничувања во врска со распоредување на јапонските воени бродови.
Тој рече дека на Америка не ѝ било дадено никакво конкретно ветување, но ниту на Јапонија не ѝ беше поставено никакво конкретно прашање кое би требало да се разгледа.
Јапонија се потпира на регионот на Блискиот Исток за повеќе од 90 проценти од увозот на сурова нафта, која се транспортира главно преку Ормускиот теснец, според јапонската агенција.
