Премиерот Бенјамин Нетанјаху лично дојде во парламентот за да гласа за усвојување на законот.
Според неговите одредби, Палестинците од Западниот Брег кои ќе бидат осудени за убиство од национална основа следува – ќе се соочат со бесење.
Доколку осуденото лице е израелски државјанин, судот одлучува дали да го осуди на смрт или доживотен затвор.
Законот не е ретроактивен и ќе се применува само во иднина.
Оваа регулатива беше жестоко критикувана и од палестинските и од израелските организации за човекови права, сметајќи ја за расистичка и драконска, тврдејќи дека нема да ги одврати палестинските напаѓачи.
Се очекува законот да биде оспорен пред Врховниот суд на Израел.
