„Две години подоцна, се сеќаваме на 7 октомври – се сеќаваме на жртвите, се молиме за враќање на заложниците кои сè уште се држат во Газа и сме обединети против теророт. Хамас мора да биде расформиран за да се заврши оваа војна“, објави Израел.
„Остануваме посветени на нашите вредности, сега повеќе од кога било. Светлината ќе ја победи темнината“, се заклучува.
Thousands are gathering at the Nova music festival site in southern Israel — where Hamas terrorists butchered hundreds of young people during the October 7th massacre, exactly two years ago today.
We will never forget. pic.twitter.com/oxNbvIwFLE
— Israel War Room (@IsraelWarRoom) October 7, 2025
Точно пред две години, Хамас изврши координиран напад врз јужен Израел. Милитантите на Хамас и Исламски џихад ја пробија оградата што ја одделува Газа од Израел, нападнаа голем број гранични населби, убивајќи цивили, палејќи домови и киднапирајќи луѓе. Нападите траеја со часови, а според официјалните израелски бројки, околу 1.200 луѓе беа убиени, додека повеќе од 250 беа земени како заложници во Газа.
✍🏻🇮🇱🇵🇸In Israel it is already October 7th, celebrating the twoth anniversary of the massacre, and the pro-Palestinian Arab accounts are publishing the crimes against humanity that Hamas terrorists and the factions against Israeli civilians and other nationalities caused. pic.twitter.com/RGEesJ8UCP
— Juan Carlos 🇮🇱 (@JuanCarlos23431) October 6, 2025
Израел веднаш одговори со обемни воени операции – воздушни напади, копнени операции и опсада на Појасот Газа. Во текот на двете години војна, десетици илјади Палестинци беа убиени, а стотици илјади останаа без покрив над главата. Хуманитарната ситуација во Газа останува катастрофална.
🕯️ Prije dvije godine, Izrael se suočio s najmračnijim danom u svojoj povijesti.
7. listopada, palestinski džihadisti Hamasa napali su našu zemlju. Ubijali su, spaljivali i otimali nevine muškarce, žene i djecu.Dvije godine kasnije, sjećamo se 7. listopada – sjećamo se žrtava,… pic.twitter.com/jDq0QChZvq
— Israel in Croatia (@IsraelinCroatia) October 7, 2025
Од почетокот на војната, израелската армија и безбедносните служби се соочија со жестоки критики за пропусите во одбраната и задоцнет одговор на нападот од 7 октомври. Во интерен извештај објавен оваа година, израелската армија призна дека го потценила Хамас и не успеала да ги заштити цивилите во јужните заедници.
На денешната годишнина, низ целиот Израел се одржуваат комеморации за жртвите. Во исто време, општеството останува длабоко поделено – додека некои бараат враќање на преостанатите заложници, други сè повеќе ги доведуваат во прашање политиките на владата и насоката во која војната ја води земјата.
