Објавено една година по истрагата за „Путиновата вила“, која помогна да се поттикнат протести низ земјата, најновото видео веќе има над 8,5 милиони прегледи на Јутјуб.
Истрагата за овој објект е објавена во 2021 година и е заснована на анализа на официјални документи и неколку фотографии од внатрешноста на вилата. Во оригиналното видео, тимот на Навални објави компјутерски генерирани прикази како вилата изгледа одвнатре врз основа на дизајнерските планови кои ги добиле, пренесува Москоу тајмс.
[video:https://youtu.be/ipAnwilMncI autoplay:0]За својот најнов проект тимот на Навални добил околу 500 фотографии, кои детално ја прикажуваат внатрешноста. Една од фотографиите наводно ја прикажува спалната соба на Путин.
[video:https://youtu.be/OjYl1xvssJY autoplay:0]Двоглави златни орли, националниот симбол на Русија, има во речиси секоја простори и се најчестата декорација во вилата. Бањата е поврзана со спалната соба.
Новите фотографии ги потврдуваат повеќето првични проценки за внатрешниот изглед на вилата. Меѓутоа, како што е наведено во видеото, во некои случаи вистината се покажала многу полоша.
