Генералштабот на Иранските вооружени сили преку соопштение ги отфрли тврдењата за лансирање ракета.
„Вооружените сили на Исламската Република Иран го почитуваат суверенитетот на соседната и пријателска земја Турција и негираат какво било лансирање ракета кон нејзина територија“, се вели во соопштението што го пренесе иранската новинска агенција Мехр.
Turkey said NATO air defenses intercepted an Iranian ballistic missile entering Turkish airspace, marking the first time a NATO member has been drawn into the Middle East conflict https://t.co/WekOnuVdI9 pic.twitter.com/T5KgY1lCzZ
— Reuters (@Reuters) March 4, 2026
Според турското Министерство за одбрана, ракетата се приближила до турскиот воздушен простор откако прелетала над Ирак и Сирија. Немало жртви во пресретнувањето на ракетата. Не беше откриено каде точно била насочена ракетата, но портпарол на НАТО рече дека алијансата го осудува иранското гаѓање на Турција и цврсто стои зад сите сојузници.
BREAKING: Turkish MoD:
A ballistic munition that was detected heading toward Turkish airspace after being launched from Iran and passing through Iraqi and Syrian airspace was successfully engaged and neutralized in time by NATO air and missile defense elements deployed in the… pic.twitter.com/VqJwrY7wbj
— Clash Report (@clashreport) March 4, 2026
Турскиот претседател Реџеп Таип Ердоган изјави дека Турција ги презема сите потребни мерки на претпазливост во согласност со своите НАТО сојузници и дека се издадени најјасни предупредувања за да се спречи повторување на слични инциденти.
Турското Министерство за одбрана соопшти дека ракетата прелетала над Ирак и Сирија пред да биде соборена од системите за воздушна одбрана на НАТО стационирани во источниот Медитеран.
MSB: “Türk hava sahasına yönelen balistik mühimmat Doğu Akdeniz’de etkisiz hale getirildi”https://t.co/mLwWSOJmWD pic.twitter.com/DDNWdgF8M7
— İhlas Haber Ajansı (@ihacomtr) March 4, 2026
„Ги предупредуваме сите страни да се воздржат од дејствија што би довеле до понатамошна ескалација на конфликтот во регионот. Во овој контекст, ќе продолжиме да се консултираме со НАТО и нашите други сојузници“, објави турското Министерство за одбрана.
Американскиот министер за војна Пит Хегсет рече дека нема смисла уништувањето на балистичка ракета испукана од Иран во турскиот воздушен простор да го активира Член 5 од НАТО, кој гарантира колективна одбрана.
Американските сили се стационирани во базата Инџирлик во јужна Турција во близина на Хатај, покраината каде што се урнаа остатоците од пресретнувањето на ракетата.
