Арагчи на социјалните мрежи ја објави насловната страна на „Фајненшл тајмс“ во која се вели дека Русија би можела да заработува околу 150 милиони долари дневно од дополнителните приходи од нафта по одлуката на САД.
„Америка сега го моли светот да купува руска нафта“, рече иранскиот министер за надворешни работи, нарекувајќи го потегот на Вашингтон „патетичен“.
The U.S. spent months on bullying India into ending oil imports from Russia. After two weeks of war with Iran, White House is now begging the world—incl India—to buy Russian crude.
Europe thought backing illegal war on Iran would win U.S. support against Russia.
Pathetic. pic.twitter.com/fbkrXpXa9P
— Seyed Abbas Araghchi (@araghchi) March 13, 2026
Администрацијата на американскиот претседател Доналд Трамп привремено ублажи дел од санкциите врз руската нафта за да го ублажи растот на цените на енергентите по ескалацијата на војната на Блискиот Исток. Вашингтон издаде привремена дозвола со која се дозволува продажба на дел од руската нафта што веќе се наоѓа на танкери на море, во обид да се стабилизира глобалниот пазар на енергија.
Одлуката предизвика критики во Европа. Германскиот канцелар Фридрих Мерц рече дека таквиот потег е „погрешен“ бидејќи го ублажува притисокот врз Русија околу војната во Украина.
Цените на нафтата нагло пораснаа откако САД и Израел започнаа воени напади врз Иран кон крајот на февруари, што предизвика сериозни прекини во снабдувањето со енергија на глобалниот пазар. Конфликтот наскоро се прошири и на други делови од регионот. Израел ги засили нападите врз Хезболах во Либан во последните денови, додека Иран и неговите сојузници се закануваат дека ќе ја прошират војната на поширокиот реон на Блискиот Исток.
Поради тензиите и заканите за затворање на Ормускиот теснец – еден од најважните патишта за светската трговија со нафта – цените на енергентите нагло пораснаа, а глобалните пазари станаа исклучително нестабилни.
Анализите покажуваат дека Русија би можела значително да профитира од зголемувањето на цените на нафтата и промените во санкциите. Според проценките објавени за кои пишува Фајненшл тајмс, поради зголемувањето на цените и зголемената побарувачка, Москва би можела да заработува околу 150 милиони долари дополнителен приход дневно од извозот на нафта.
Овој развој на настаните предизвика критики од некои западни сојузници кои предупредуваат дека олеснувањето на продажбата на руска нафта би можело да ги зголеми приходите на Кремљ додека војната во Украина сè уште трае.
